NAGA CITY – PIGSIERTO kan sarong konsehal na siyudad nin Naga na nagtitinir na saro sa mga flagship economic enterprise an Bicol Central Station.
Sa nagin paghampang sa mga kagawad kan media ni Naga City Councilor Buddy Del Castillo, sinaysay kaini na nagkikita an nasambitan ng terminal asin ini an saro sa mga maikokonsederar na flagship economic enterprise kan Naga huli man sa halangkaw na revenue na naitatao kaini.
Sigun pa ki Castillo, tanganing mamantinir an marhay na operasyon sa Bicol Central Station, pinaburan kan saindang lado an kahagadan kan mga bus operator siring kan pagtinir sa waiting time nin mapakol sa 40 minutos asin an pagbaba sa taripa.
An pagbaba soboot sa taripa an ginibo makalihis an 10 taon kun saen kan 2014 pa an huring pag-adjust.
Katakod kaini, pinaghihiling soboot kan pamayuhan kan terminal an mga factors siring kan costume operation, inflation, purchasing power kan kwarta asin iba pa sa pagtugot na pagbaba sa taripa.
Sa ngunyan, hagad na sana kan opisyal an kooperasyon kan gabos tanganing mamantinir an kasalbaduhan kan publiko tuyong yaon sa Bicol Central Station.
