NAGA CITY– Haros hindi makatbod an Bicolana SWLE Passer na makakaiba siya sa Top 10 sa kakatapos pa sana na Social Worker Licensure Examination ngunyang taon.
Sa entrevista kan bBombo Radyo Naga ki Maria Zita Napay hale sa University of Sta Isabel (USI), sinaysay kaini na nabigla siya kan maaraman na ika-anom siya sa gabos na mga examinees sa Social Worker Licensure Examination sa bilog na nasyon.
Sigun ki Napay, dakulang tabang sa sainda an mga review, coaching asin pagtaong tips kun pano makakapasar sa nasambitan ng eksaminasyon.
Mientrastanto, aminado ini na masakit an eksaminasyon para sa propesyon alagad dae siya nawaran an pag-laom asin nagpursige siya na makapasar.
Napag-araman na haros 5,000 katao an nag-exam sa Social Worker Licensure Examination alagad nag-abot sana sa 2,508 an nakapasar kun saen nakua kan bicolana ang ika- anom na pwesto na may 82.80 % na rating.
