NAGA CITY– Gadan an sarong solterito makalihis ining pagbabadilon kan armadong suspek sa sarong lugawan sa Gonzales street, Brgy Poblacion, Candelaria, Quezon.
Binisto an biktima na si Jerline Hernandez, 28 anyos.
Sa nagunong impormasyon kan Bombo Radyo Naga napag araman na nagkakakan sana sa nasambitan ng lugar si Hernandez kaibahan an saiyang mga barkada kan bigla na sanang mag abot an armadong suspek na si Wendelzon Villadiego, 34 anyos asin tulos na pinagbabadil an biktima sa dai pa maaramang rason.
Tulos man inagaw kan barkada kan biktima an badil gikan sa suspek asin tulos na i-tinurn over sa kapulisan.
Huli digdi, nagsapo nin lugad sa saiyang lawas an biktima na tulos na idinalagan sa ospital alagad ideneklarar ining dead on arrival kan mga doktor.
Napag aramang sarong calibre 38 badil an ginamit kan suspek kun sain igwa pa ining tadang bala sa laog asin sarong basyo nin bala.
Sa ngunian, nasa kustudiya na kan mga otoridad an suspek mantang pigpepreparar na man an kasong ‘Murder’ na isusunad kontra digdi.
Meintrastanto, nagpapadagos pa man an imbestigasyon kan mga otoridad manungod sa nasambitan ng insidente.
