Nagsakat na sa 22 katawo an numero kan binawian nin buhay sa pagguho kan Binaliw landfill sa Cebu City.
Sigun sa report kan mga otoridad, nanutaran an lawas kan sarong babae asin sarong lalaki alas-6:30 aga ngunyan na aldaw, Enero 15 asin alas-6:51 nin aga.
Apwera sa mga binawian nin buhay, 18 katawo an irido asin presenteng pigbubulong sa manlaen-laen na ospital sa Cebu.
Mientrastanto, 14 pa an nagtitinir na nawawara asin padagos na pighahanap kan mga rescuer.
Nagsagibo nin search and retrieval operations an Cebu City Disaster Risk Reduction and Management Office (CCDRRMO) katuwang an Philippine Coast Guard, Bureau of Fire Protection, asin mga volunteer groups.
Sigun sa Department of Environment and Natural Resources (DENR), nakapreparar sindang magtao nin tabang asin magpautob nin mga lakdang tanganing matabangan an mga naapektaran kan insidente.
Dugang pa kan ahensiya, sisiyasaton ninda an kamugtakan kan landfill tanganing masierto na dae na mauutro an siring na trahedya.
Mientrastanto, nagtao nin tabang an operator kan landfill sa mga pamilya kan mga biktima asin sa mga rescuer na padagos na nagsasagibo nin operasyon.
Piglalaoman mang madugang an basura sa Cebu sa mga masunod na aldaw orog na ta nagrarani na an Sinulog Festival, kaya nangapodan an lokal na gobyerno nin dugang na suporta gikan sa pambansang ahensiya.
