Igwang biyahe an nagkapirang bus rutang Legazpi makalihis an pag-agi kan Bagyong Opong.
Sa entrevista kan Bombo Radyo Naga ki Eduardo Pumupula sarong konduktor kan pampasaherong bus, sinaysay kaini na magkakaigwa nin byahe pasiring Legazpi tanganing makapuli na soboot an mga na-stranded na residente gikan sa Legazpi na yaon sa Naga.
Katakod digde, nasa 49 katawo sana an seating capacity kan bus na pwedeng makatukaw alagad pupwede man magtindog an mga pasaherong mawot tanganing makauli tulos sa saindang ginikanan na lugar.
Mientrastanto, pig-aabisuhan man an mga pasahero na kun enkaso magkusog pa an pag-uran dae na magdagos pagbyahe para sa kasalbaduhan kan kada saro.
Importante soboot an pagmonitor sa kamugtakan kan panahon tanganing malikayan an anuman na klase kan katibaadan.
Kun igwa man na papaabuton na kalamidad nagtatao man nin abiso an Bicol Central Station para sa pagkanselar nin mga biyahe.
