Nilinaw kan Bureau of Jail management and Penology (BJMP) na dae nagsisingil nin kwarta an Quezon City Jail Male Dormitory karibay kan mga serbisyo para sa mga persons deprived of Libert (PDL).
Sa sarong statement, pig-abisuhan ni QCJMP warden Supt. Warren M. Geronimo an publiko kontra sa mga scammer na nagpapabistong personahe kan BJMP gamit an FB account na ‘Dalaw Jail’ o Jail Visit tanganing maghagad nin bayad karibay kan mga serbisyo siring kan medical test para sa PDL.
Pigtawan-duon kan BJMP na an mga saindang mga piggibong lakdang siring kan medical interventions asin decongestions efforts an libre tanganing magin marhay an kondisyon kan mga preso.
Sigun man ki BJMP spokesperson Supt. Jayrex Bustinera, sa paagi kan nasambitan ng mga lakdang, nakatabang ini tanganing malikayan an paglangkaw kan numero kan helang sa kublit asin iba pang mga kamatean sa mga preso sa kulongan.
