Pigkumpirmar ni Bureau of Jail Management and Penology (BJMP) Spokesperson Jail Supt. Jayrex Bustinera na isusuhay si dating Sen. Revilla sa saiyang kaparehas na akusado sa ₱92. 8-M flood control anomaly sa Pandi, Bulacan.
Sigun ki Bustinera, ini mismo an hinurot kan mga abogado kan apat na dating DPWH officials huli sa pigkokonsederar soboot na security risk an dating senador.
Pigsierto man ni Bustinera na mayong special treatment ki Revilla asin sa iba pa kaining kapwa akusado.
Kasimbagan ini ni Bustinera sa nag viral na video na mahihiling na mayong posas an dating senador mantang nakaposas an apat na dating Department of Public Works and Highways (DPWH) officials.
Sigun sa opisyal hinali sana a posas ni Revilla huli ta nagpasiring ini sa comfort room.
Piglalaoman ba matatapos na sa Miyerkules an medical quarantine ni Revilla asin kan apat pang kaparehas na akusado
