Pig-iskedyul ni acting Blue Ribbon Committee Chairman Erwin Tulfo an pagdangog mapadapit sa maanomalyang flood control projects sa October 22 o 23.
Sigun ki Tulfo, ini sana an maluwag-luwag na panahon na nahihiling ninda tanganing ipagpadagos an pagdangog sa mga ghost asin substandard government projects.
Susunudon sana man ni Sen. Erwin an nawalat ni Senate President pro-tempore Ping Lacson kun saen pig-iimbitaran na maghampang sa pagdangog sinda dating Speaker Martin Romualdez asin dating Cong. Zaldy Co.
Paliwanag kan Senador, si Romualdez invitation sana huli sa nag-iiral na inter-parliamentary courtesy huli ta presente pa man ining Kongresista mantang si Co ipapaatendir na asin kun dae mag-abot an ipasasubpoena na kan komite.
Ipapaapod man sa pagdangog an iba pang mga pangaran na nagluwas na pigsambit kan mag-agom na contractor na sinda Curlee asin Sarah Discaya.
Dugang pa ni Sen. Erwin, magigin sentro kan saindang imbestigasyon an para sa legislation tanganing dae na mautro an kaparehas na anomalya.
