Pinapa hale na an Bollywood aktor na si Imran Khan sa saiyang nasyon.
Kasunod ini kan saiyang pagpartisipar sa kilos-protesta.
Susog sa Overseas Citizen of India (OCI), an aktor dapat na maghale sa India sa Oktubre 28.
An aktor iyo an pamangkin kan bitoon sa Bollywood na si Aamir Khan.
Si Khan sarong American citizen asin igwa nin Overseas Citizen of India (OCI) card na nagtutugot sa mga nasyonal na Indian na magbisita asin magdanay sa saindang nasyon.
Kan Agosto, nagkaigwa nin sarong dakulang mobimiento nin protesta na naghahagad kan pag baba sa pwesto kan Chief Election Commissioner Gyanesh Kumar.
Pigsierto kan abogado kan aktor na iaapelar ninda an kaso sa Bombay High Court.
An aktor nagin bantog kan 2008 sa romantikong komedyang pelikula na “Jaane Tu.. Ya Jaane Na”.
