NAGA CITY- Binisto kan sarong madre hale sa Unibersidad de Santa Isabel (USI) an Bombo Radyo huli sa matrayumpong aktibidad na Bombo Medico 2018 na pigkondusir sa Tabuco Central School sa ciudad nin Naga asin magin sa iba pang parte kan nasyon.
Sa entrevista kan Bombo Radyo Naga ki Sr. Rhodora Mojica, chairperson kan medical technology kan nasambitang unibersidad, sinaysay kaini na dakulang tabang para sa mga tios na kahimanwa an nationwide medical asin dental mission kan Bombo Radyo asin Star FM.
Ikinaugma man niya na sa ibong kan pagigin sibot sa trabaho kan mga kabuhan kan Bombo Radyo urog na sa paghahatod nin tamang impormasyon sa publiko, nagigibo pa kan mga ini an nasambitang aktibidad na obhetong makapagtao nin libreng bulong, check-up asin mga serbisyo sa publiko sa bilog na nasyon.
Napag-araman na an nasambitang unibersidad, aktibong nakikisumaro sa taunang medical asin dental missions kan Bombo Radyo.
