Mas hihigutan pa kan Bureau of Animal Industry (BAI) an border controls kaini sa Metro Manila asin pagtaraid na probinsiya tanganing mapugulan an pagkuriyat kan African Swine ever (ASF).
Sa National Capital Region (NCR) igwa nang aniom na meat inspection checkpoints tanganing masierto na an mga orog na pighahatod sa mga katayan asin sa mga merkado an ASF-free.
Kasunod kaini, nagdugang man nin inspection checkpoint an BAI sa San Jose Del Monte, Bulacan tanganing mapugulan an mga infected na orig gikan sa south na makaabot sa northern provinces.
Nakikipag-koordinar na soboot sinda sa probinsiya kan Rizal tanganing makapagbugtak nin panibagong checkpoint partikularmente sa banwaan kan Rodriguez.
Sigun sa BAI, makalihis an saindang mga operasyon kan mga nakalihis na apat na aldaw, kinakaipuhan na soboot ninda na maghagad nin tabang sa Metropolitan Manila Development Authority asin mga local traffic enforcers.
Sa ngunyan, pigsierto man kan ahensya na nakikipagtabangan na man an mga lokal na gobierno sa pagdeploy nin manpower.
