NAGA CITY- Arestado an sarong barangay kagawad sa ciudad nin Naga asin pitong iba pa sa isinagibong buy bust operation kan Philippine Drug Enforcement Agency (PDEA) Bicol sa
Barangay Sta. Cruz sa nasambitan na ciudad.
Binisto an mga suspetsado mga suspek na sinda Romeo Ladania, kagawad kan barangay Bagumbayan Norte; Roger Caliba, empleyado kan Naga City Abattoir; Randy Palacay; Ronald Palacay; Norman Mendoza; Celso Calisura; Alvin Perer, asin an may-kagsadiri kan nasambitan na harong na si Pedro Ponce.
Ini an kinumpirmar ni PDEA Bicol Regional Director Christian Frivaldo sa entrevista kan Bombo Radyo Naga.
Sigon ki Frivaldo, target kan saindang isinagibong buy bust operation sa Dimasalang Street sa nasambitang barangay an suspek na si Norman Mendoza na haloy naman suboot tulak kan iligal na droga asin minamanmanan kan mga otoridad.
Naaktuhan suboot ninda an mga suspek sa laog kan harong na pagmamay sadiri ni Ponce.
Pinagtutubudang nasa harong ni Ponce nagtiripon an nasambitan na mga indibidwal para sa saindang ginigibong darakulang transaksyon kan iligal na droga.
Nakumpiskar na man kan mga kabuhan kan PDEA Bicol sa mga suspek an sarong sachet nin pigtutubudang shabu na pigkakarkulong maabot sa 50 grams o P300,000 an
kantidad.
Sa ngunyan, pigpepreparar na an kasong isasangat kontra sa mga nadakop na persona.
