Pigpatawan nin $11,500 na multa si BTS member Suga huli sa pagmamaneho kaini mantang nasa impluwensya nin arak.
An singer na si Min Yoon-gi sa tunay na buhay an naarestrar kan Agosto kan mga kapulisan huli sa pagmamaneho kan saiyang scooter mantang nakainom.
Nadiskubre sana ini kan mga kapulisan kan ini an natumba harani sa saiyang harong sa Seoul.
Nagluwas sa pagsusuri na an saiyang blood alcohol level an 0.227 percent na mas halangkaw sa 0.8% na minimum.
Enot nang naghagad nin depinsa an singer sa saiyang tagasuporta asin sinabing dae na liwat mangyayari an insidente.
Nawara man sa isip kaini na bawal man palan an paggamit nin scooter mantang ini an nakainom.
Nag-ani man nin batikos sa pirang tagasuporta kaini kun saen nangangapodan sinda na dapat maghali na sa grupo huli sa pig-aatian sana kaini an BTS.
