Padagos an pigsasagibong decongestion efforts kan Bureau of Correction sa gabos na mga kulungan sa nasyon.
Katakod kaini, mapakol sa 525 na panibagong batch kan mga persons deprived of liberty an pigpalibre kaini para sa bulan kan Enero.
Basado sa datos kan BuCor, sa kabilogan kan administrasyon ni Presidente Ferdinand Marcos Jr., nagpakol na sa 18,947 PDLs an napalibre kaini.
Sa sarong pahayag, sinaysay ni BuCor Director General Gregorio Pio Catapang Jr. na napalibre an nasambitan ng numero kan inmate huli sa acquittals, bail bond, expiration kan sentensya, probation, Habeas Corpus, asin parole.
An mga pinalibreng inmate an nagpuon sa Correctional Institution for Women , Iwahig Prison and Penal Farm, CIW Mindanao, Davao Prison and Penal Farm, Leyte Regional Prison, Maximum, medium, asin minimum Security Camp ng New Bilibid Prison , Reception and Diagnostic Center kan NBP, Sablayan Prison and Penal Farm, asin San Ramon Prison and Penal Farm.
Pigsierto kan BuCor na saindang pag-aadalan na marhay an mga record kan PDL tanganing maaraman kun sisay an dapat na mapalibre.
