Aram baya nindo mga ka-bombo, sarong 33-anyos na lalaki gikan sa China an nakuanan nin buhay na Igat sa saiyang abdominal cavity.
Susog sa report, an lalaki na gikan sa Hunan China an nagpasiring sa Hunan Medical University na malungsi an lalawgon, labi an paghinang o ganot asin nakakamate nin labing kulog nin tulak.
Katakod kaini, nahiling sa CT scan na igwang kakaibang bagay sa tulak kaini na garo soboot nakatusok asin yaon sa saiyang abdominal cavity.
An tulak kan lalaki an matagas na kun kaya pigkakahaditan kan mga doktor an potensyal na peritonitis kun kaya nagdesisyon sinda na magsagibo nin laparoscopic emergency surgery.
Mantang pig-e-examine an tulak kan lalaki, digde na nadiskubrer kan doktor an buhay na Igat kaibahan an saiyang mga organs.
Sa paagi kan pig-aapod na clamp-like instrument, nakayang mahali kan doktor an Igat, tinahi an labot sa saiyang sigmoid colon asin binuhusan nin saline solution an saiyang abdominal cavity tanganing dae ma-impeksyon.
Mientrastanto, makalihis an operasyon, nakarekober man nin marhay an lalaki asin nakaluwas na nin ospital.
Sa ngunyan, dae malinaw kun pano nakalaog an Igat sa tulak kan lalaki alagad igwa man nagsaysay na posible soboot natukawan ini kan nasambitan ng indibidwal.
