Pigsugo ni Presidente Ferdinand Marcos Jr. an Department of Labor and Employment (DOLE) na magsagibo nin bulanang job fairs tangani magkaigwa pa nin mas kadakol na oportunidad an mga Pilipino na makahanap nin trabaho.
Sa pahayag kan Presidente sa ika-123rd Labor Day celebrations kan nakalihis na aldaw nin Huwebes, sinaysay kaini na magpuon Hulyo 2022 hasta bulan nin Pebrero presenteng taon ay labi sa 4,000 job fairs na an naisagibo.
Aktibo man soboot an gobyerno sa pang iinkaminar sa foreign asin man local investors sa nasyon tangani mapakusog pa an job creation.
Pig orgulyo man kan Presidente na padagos an pagrahay kan kamugtakan kan labor market, patunay soboot na kan Pebrero ay nagbaba sa 3.8 percent an unemployment rate kan nasyon.
Sinaysay man ni OIC Assistant Secretary Patrick Patriwirawan Jr. kan DOLE Bureau of Local Employment na kadakol sa presente nin bakanteng trabaho sa manufacturing, retail, business process outsourcing, accomodation and food service asin man financial and insurance activities.
Pigbisto man ni Marcos an kontribusyon kan mga obrerong Pilipino na iniladawan kaini komo “Foundations and Pillars” kan lipunan.
