NAGA CITY – Padagos an effusive eruption asin minor strombolian activity kan Bulkang Mayon sigon sa obserbasyon kan Philippine Institute of Volcanology and Seismology (PHIVOLCS).
Sigon kay Mariton Bornas, Chief kan Monitoring and Eruption Prediction Division kan PHIVOLCS, dagos-dagos an pagluwas kan lava gikan sa crater na nagkakawsa nin pyroclastic density currents asin rockfall sa itaas kan bulkan.
Ipig-esplikar kaini na an minor strombolian events an kawsa kan pagpisik kan lava kapag nag-rupture an volcanic gas bubbles, na nagiging kawsa kan lava spray.
Nagaagos an lava flow sa tolong gullies kan bulkan, Mi-isi, Bonga, asin Basud, huli sa padagos na suplay kan lava gikan sa crater.
Mientrastanto, panaka-naka an pagbuga kan lava, asin sa presente ini an mayu pa nin indikasyon nin explosive eruption huli sa nagtitinir na mayu nin pagbabago sa mga binabantayang parameters kan Bulkang Mayon.
