Nadanyaran kan labing pagbaha asin mudslide an pirang lugar sa Southern California.
Puon kan Huwebes, Pebrero 13, nagbulos na an labing pag-uran sa darakulang rehiyon digdi asin nagkawsa kan pagbaha asin mudflows sa Pacific Palisades, Altadena asin Pasadena.
Pigreport an record rainfall sa downtown Los Angeles sa 2.8 inches, o mas halangkaw sa record na 2.71 inches kan 1954. Nag-isyu nin kabi-kabilang flash flood warnings an National Weather Service sa Los Angeles County, kabali na an Eaton, Palisades, Franklin asin Bridge fire burn areas.
Sigun sa report, an dakol kan uran na naikurit sa pirang lugar an bastante na tanganing magkawsa nin pagbaha asin pag-agos nin mga debris.
Nagpaluwas man nin flash flood warnings kun saen, sakop kaini an mga lugar kan Malibu, Topanga State Park, Pacific Palisades, Brentwood, Topanga Canyon Road through the Santa Monica Mountains and Mandeville Canyon, Malibu Canyon and Las Virgenes roads through the Santa Monica Mountains, Mount Wilson, Pasadena, Altadena, Sierra Madre, Arcadia, Monrovia, Chatsworth, Northridge, Woodland Hills, Encino, Van Nuys, Santa Clarita, North Hollywood, Beverly Hills, Santa Monica, Universal City, Burbank, Hollywood, Venice, Culver City asin Griffith Park.
