NAGA CITY – Makikipagtabangan an barangay Triangulo, Naga City sa City Government tanganing maaksyonan an pagbabaha sa lugar toyong minauran nin pirang aldaw.
Sa entrevista kan Bombo Radyo Naga ki Reymund Arevalo, kapitan kan nasambitan ng barangay, sinaysay kaini na kan mga nakalihis na bulan, nagkakaigwa na sinda nin semanahan na pag-eenforce kan mga drainages kan barangay.
Apwera pa digdi, igwa man sinda nin MRF personnel o facility personnel na nakatalaga sa pinakadakulang drainages na luluwasan kan mga ati toyong naglilinig sinda, duwang beses sa sarong semana.
An nasambitan ng lakdan an huli ta saro an saindang barangay sa pirming pigbabaha orog na toyong panahon kan tag-uran.
Huli digdi, mapatabang man an saindang lado sa City Government tanganing masulosyonan an problema sa daluyan kan drainages digdi.
