NAGA CITY- Nangengenot an probinsya nin Camarines Norte sa igwa nin pinakakadakol na nadakop na nagbalgar sa RA 10913 o an Anti-Distracted Driving Act (ADDA) katakod kan implementasyon kaini sa rehiyong Bicol.
Ini an kinumpirmar ni Atty. Noreen San Luiz-Lutey, regional director kan Land Transportation Office (LTO) Bicol.
Sigon ki Lutey, kadakol na sindang nadakop na mga drivers na nagbalgar sa nasambitang ley sa manlaen laeng probinsya rehiyon alagad sa Camarines Norte suboot nairehistro an pinakakadakol suboot na pagbalgar sa ADDA.
Dae man sinaysay kan LTO Bicol regional director kun pira an eksaktong numero kan mga drivers na saindang nadakop huli sa pagbalgar sa nasambitang ley.
Kadaklan man suboot sa mga nadadakop kan saindang ahensya an mga drivers na nagti-text asin an mga igwang kaolay sa cellphone.
Mientrastanto, aminado man an nasambitang ahensya na dakulang angat pa nanggad para sa saindang mga traffic enforcers an pagdakop sa mga driver na naggamit kan saindang cellphone asin iba pang mga electronic gadgets mantang nagmamaneho.
