NAGA CITY- Nagkainitan sinda Camarines Sur 1st District Rep. Rolando ‘Nonoy’ Andaya asin 2nd District Rep. L-Ray Villafuerte sa hepatura kan Philippine National Police (PNP) sa banwaan nin Pili sa nasambitang probinsya.
Sa nakuang impormasyon kan Bombo Radyo Naga, napag-araman na nagpang-abot sa PNP station an duwang opisyal asin nagkasimbagan pa.
Enot kaini, anggot na nagtiripon hale sa Sitio Caorasan sa barangay San Agustin an mga residenteng apektado kan re-orientation project kan Naga Airport na yaon sa banwaan nin Pili.
Sigon sa sainda, nabigla sinda kan mahiling an tambak na baybay sa saindang pig-aagihang tinampo subagong aga.
Ini makalihis na pigsugo na suboot kan provincial government an pagdumping sa lugar na parte kan pagpapadagos kan nasambitang proyekto.
Kinampihan man kan alkalde kan banwaan na si Mayor Tom Bongalonta an mga residente asin sinaysay na sarong klase suboot nin panghaharass an nasambitang lakdang kun kaya naghagad na ini nin tabang sa kaalyadong si Cong. Andaya na tulos man na nagpasiring sa lugar para personal na hilingon an sitwasyon.
Pasado alas-4 suboot nin hapon kan makaresibe man nin report si Cong. LRay na igwang pigbanog suboot asin pigkulgan si Cong. Andaya na mga kabuhan kan probinsya dalan para tulos man ining magpasiring sa PNP para ireklamo an pangyayari.
Alagad, anggot man na nagpasiring sa hepatura kan pulisya an mga residente kaibanan sinda Andaya asin Bongalonta.
Digdi na suboot nagkasimbagan an duwang kongresista na tulos man na nakontrol kan mga pulis.
