NAGA CITY- Likay si Camarines Sur Vice Governor Fortunato ‘Ato’ Peña na magtao nin komento manungod sa estado kan kaso katakod kan pagkagadanan kan apat na mga minero sa Caramoan, Camarines Sur.
Ini katakod kan ikatolong taong anibersaryo kan ‘Gata 4 Massacre’ na nangyari kan Marso 22, 2014 sa barangay Gata sa banwaan nin Caramoan.
Sigon ki Peña, padagos pa nanggad an pagdangog sa kaso ka nagadan na mga minero na sinda Rene Labiano, Reden Brondia, Salem Virtus asin July Labiano.
Sinaysay man kan bise gobernador na nagiging sarong political isyu na suboot an nasambitang Gata Massacre.
Ipasakamot na sana suboot sa korte an magiging desisyon sa kaso na kinakahampang kan 21 mga suspek na miyembro kan Task Force Sagip Kalikasan.
Mientrastanto, pirang beses man na nagsayuma na magtao pa nin pahayag an kapitan kan barangay Gata na si Mercy Sueno katakod kan anibersaryo kaini ngonyan na aldaw.
Marurumduman na taong 2014 kan mangyari an makangirhat na panggagadan sa apat na minero asin an tinutukdong suspek digdi an grupo kan Task Force Sagip Kalikasan na yaong sa irarom kan gobyerno probinsyal kan Camarines Sur.
