Pinangenutan ni Vatican’s Dicastery for Evangelization pro-prefect Cardinal Luis Antonio Tagle an prayer service kansubago pasado alas-4 nin aga ngunyan na aldaw nin Miyerkules, oras sa Roma sa St. Peter’s Square sa Vatican para sa pagpangadyi sa salud ni Pope Francis na presenteng nasa kritikal na kondisyon huli pa sa double pneumonia.
Pig atendiran ini kan gatos na mga deboto asin halangkaw na mga opisyal kan Simbahan.
Sa nasambitan ng prayer service, pigpangadyi an rosaryo para sa salud magin an tulos na pagrahay kan Santo Papa.
An pagpangadyi kan rosaryo an parte kan banggihan man na inisyatiba na nagpuon kan nakalihis na aldaw nin Lunes na pinangenutan ni Cardinal Pietro Parolin, an Secretary of State kan Vatican.
Magigirumduman, basado sa Vatican kan nakalihis na aldaw nin Martes, nagtitinir na nasa kritikal na kondisyon si Pope Francis sa ikaapat na aldaw alagad stable asin dae nagkaigwa nin dugang na problema sa paghangos.
