Laog na sa finals kan men’s vault asin floor exercise sa 53rd FIG Artistic Gymnastics World Championships si Carlos Yulo na pigkundusir sa Jakarkta, Indonesia.
Igwang average score ini na 14.750 points sa Subdivision 7 kan vault event.Mapakol sa 476 na atleta an nakisumaro puon sa 76 na nasyon sa nasambitan ng aktibidad.
Sa enot na vault nakapagrehistro si Yulo nin 14.90 points asin sa panduwang attempt igwang 14.600 points na hinangaan kan mga paradalan.
Nagpanduwa sa puwesto si Arthur Davtyan kan Armenia na igwang 14.566 mantang nasa pantolong puwesto si Nathan Chepurnyi kan Ukraine na igwang 14.316.
Sa ibong na event na floor exercise nagpanduwa ini na igwang 14.560 points kun saen nakua ni Jake Jarman Filipino-British gymnast an enot na pwesto mantang nasa pantolong puwesto si Kameron Nelson.
Igwang bastanteng pahingalo ngunyan si Yulo antes an pagsabak kaini sa finals kan floor sa Biyernes mantang sa aldaw nin Sabado man an finals kan vault event.
