Pokus ngunyan si double Olympic gold medalist Carlos Yulo sa sarong event kan 33rd Southeast Asian Games.
Pigsaysay ni Gymnastics Association of the Philippines (GAP) President Cynthia Carrion na huli ta nagkaigwa nin paghihigot an organizer an idedepensa na sana ni Yulo an parralel bars title kun saen ini an nagkampeon kan 2023 SEA Games sa Cambodia.
Alagad kaipuhan pang mag-evaluate an mga coaches kun anong event an babalihan kan atleta.
Marurumduman, pighali kaya kan SEA Games organizers an men’s and women’s individual all-around asin team events.
Huli digde, tutugutan na sana an gymnast na magbali sa tolong qualifications alagad kaipuhan na magpili nin saro kun makapasar ini sa multiple finals.
Ikukundusir an SEA Games puon Disyembre 9 hasta 20 sa Bangkok, Thailand.
