Nagkaigwa nin mga pagbabagong ipinautob an organizers kan 33rd Southeast Asian Games (SEA Games) na ikukundusir sa Thailand.
Pigsaysay ni Gymnastics Association of the Philippines President Cynthia Carrion na maapektaran digde an two-time Olympic gold medalist na si Carlos Yulo.
Pigsaysay kan organizers an panundunan na an mga atleta siring ninda ni Yulo na naglalaban sa manlaen-laen na apparatus an pwede sanang magpili nin sarong babalihan.
Dugang pa ni Carrion na sigurista an organizers huli sa sierto na makukua ni Yulo an gabos kan mga categories asin apparatus na babalihan kaini.
Posibleng pipilion na sana ni Yulo an parallel bars huli ta digde ini nakakua nin gintong medalya.
Ipapaubaya na man ki Ivan Cruz an floor exercise asin vault ki Miguel Besana na nagkampeon sa huring SEA Games.
Nakatutok pa man ngunyan si Yulo sa Artistic Gymnastics World Championships na ikukundusir sa Jakarta, Indonesia puon Oktubre 19 hasta 25.
Marurumduman, kan nakalihis na 2023 SEA Games nakakua an Pilipinas nin apat na ginto, duwang silver asin sarong bronze medal.
