NAGA CITY- Dapat suboot na bantayan kan Cleveland Cavaliers an tolo sa mga pinakamatitibay na players kan Golden State Warriors kun mawot nindang makua an kampeonato sa NBA Finals ngonyang taon.
Ini an tinawan doon ni JC Nuyles, coach nin basketball sa sarong unibersidad sa Cebu sa entrevista kan Bombo Radyo Naga.
Sigon ki Nuyles, dapat na bantayan kan Cavs an magigin kawat atyan sa Game 1 ninda Kevin Durant, Stephen Curry asin Klay Thompson urog na kun mawot nindang makua an NBA Championship ngonyang taon.
Aminado man si Nuyles na nakakalamang pag-abot sa paper asin standing an Warriors huli sa saindang mga NBA Superstars kumparar sa linyada kan Cavaliers kun saen kadaklan suboot sa mga ini baguhan pa asin posibleng dae pa makakawat si Kevin Love sa Game 1 ngonyang aldaw.
Dapat dae man suboot tugutan kan Cavs na makapagrehistro nin dawa tig-20 puntos an nasambitang tolong mga players kan Warriors asin dapat makapagbuhi nin 40 points si Lebron James para magin close fight an laban kan duwang grupo.
Nagtutubod man si Nuyles na magigin iba an paghahampangan na ini kan duwang NBA teams sa saindang best of seven finals series kumparar sa saindang enot na paghahampangan kan nakaaging mga taon.
