Tinuligsa ni Senator Alan Peter Cayetano an Department of Public Works and Highways (DPWH) sa dae pagsairarom sa preventive suspension kan mga opisyal na soboot imbwelto sa “ghost” flood-control projects.
Sa pagdangog kan Senate Blue Ribbon Committee, pigtawan-duon ni Cayetano na bastante na an paper trail asin mga litrato gikan sa mga kontratista tanganing matukoy an maninimbag.
Abiso kaini, kun dae tulos masuspinde an mga posibleng nagtatakop, igwang pa sindang panahon tanganing burahon an ebidensiya.
Ipinaliwanag man kan senador na igwang sistema kan dokumentasyon asin quality assurance gikan sa district hasta regional offices, kaya nag-aabot an completion reports hasta sa lebel kan undersecretary.
Huli digde, pig-enkaminar kaini an DPWH na aramon kun sairisay sa chain of command an aktwal na nagbeberipika kan mga report.
Duon pa kaini, tolong semana na puon kan ibinunyag ni Presidente Ferdinand Marcos Jr. an ghost projects sa saiyang State of the Nation Address, kaya dae na pwedeng magpatumpik-tumpik pa an DPWH.
