NAGA CITY – Nagigin matatag na an Central Bicol State University of Agriculture, Pili Campus nin huli naman ta kadakol ining napo-prodyusir na mga agriculturist.
Sa entrevista kan Bombo Radyo Naga ki Lilia Capinig Pasiona, Associate Professor V, Director, Regional Apiculture Center, kan CBSUA-Pili Campus, sinaysay kaini na nag-iiral an saindang eskwelahan poco mas o menus 118 taon na, huli digdi, kadakol na nin mga propesyonal sa larangan kan Agricultura na gikan sa saindang eskwelahan kun saen, saro na soboot digdi an Regional Director kan Bicol Region.
An nasambitan naman na eskwelahan an nasa Scope Level IV status na, orog na ta kadakol na nin mga buildings asin magayon na an eskwelahan, siringman, nagsusunod sinda sa standard protocols.
Huli digdi, pigkokonsiderar ni Pasiona na matatag na an nasambitan ng campus.
Sa ibong na lado, pigsaysay man kan propesor sa dawa dae naapektaran kan local government an unibersidad, mas marhay soboot na magin suportado an Local na gobierno sa mga proyekto o programa kan unibersidad, tanganing mas kadakol pa nin mga serbisyo an maiaambag sa mga constituent.
