Kinumpirmar ni US President Donald Trump na dagos na an negosasyon para sa ceasefire deal sa pag-ultanan kan Ukraine asin man Russia, kasunod kan pag-uulay kaini ki Russian President Vladimir Putin.
Sigun ki Trump, may nagkapirang progreso na sa urulay nin katuninungan, asin inabisuhan na kaini an mga lider kan Ukraine, European Union, France, Germany, Italy, asin Finland.
Siringpaman, sigun sa Kremlin, haloy pa an proseso asin man mayo pa nin konkretong petsa kan untok-putukan.
Nagsayuma man si Trump sa pagpataw nin bagong sanctions sa Russia, nin huli ta baka orog pang maglala soboot an tensyon.
Pig-omaw man ni Putin an nagin pangapudan ni Trump para sa direktang urulay, mantang si Ukrainian President Volodymyr Zelenskiy ay nagpahayag nin kahandaang makipag-ulay sa Russia sa ano man na format na madara kan resulta sa rehiyon.
Nagkapira sa mga posibleng lugar para sa masunod na pag-uulay kan ceasefire deal iyo an Vatican, Turkey, asin man Switzerland.
