Bagong recruit pa sana kan Boston Celtics si Anfernee Simons alagad sigun sa report kan The Stein Line, bukas na soboot an koponan sa pakikipag-ulay para sa posibleng trade kan 26-anyos na guard.
Nakua kan Celtics si Simons gikan sa Portland Trail Blazers karibay ni Jrue Holiday kan nakalihis na bulan.
Alagad maski mayong tulos na plano na iribay ini, matinir na bukas an Celtics sa mga tangro hasta sa trade deadline kan 2025–26 season.
Si Simons an igwang 24th overall pick kan taong-2018 asin nagkurit nin career average na 15 points lambang kawat sa 43.1% shooting, kaibahan na an 38.1% puon sa three-point line.
Kan nakalihis na tolong season sa Portland, nag-angat pa ini sa 20.7 points kada kawat.
Apwera sa kontribusyon sa kawat, nakatabang man si Simons sa Celtics na makatipid nin haros $40 million sa luxury tax sa maabot na season huli sa saiyang expiring contract.
