Binitay kan China an 11 miyembro kan Ming Family na pigkokonsiderar komo notorious mafia na nagpapadalagan nin multibillion-dollar scam industry sa Myanmar.
Sinentensiyahan nin kagadanan an mga ini kan korte sa Zhejiang province sa China kan nakalihis na Setyembre makalihis na mapatunayang guilty sa patung-patong na kaso kan homicide, illegal detention, fraud asin pagpapalakaw kan gambling dens.
An Ming an saro sa mga kadakol na clan na nagpapadalagan kan Laukkaing town sa Myanmar, na ginibong mga hub kan casinos asin sex trade.
Nagbagsak an saindang empire kan nakalihis na 2023 kan sinda makulong asin ipasakamot kan China an mga katutubong militias na nakasakop sa Laukkaing town sa tahaw kaidto kan civil war sa Myanmar.
An pagbitay sa mga miyembro kan mafia an nagpapaabot nin mensahe kan deterrance o pagpugol kan China sa mga nagpoporbar na magsagibo nin scam activities.
