Nagkundusir nin joint sea asin air patrols sa West Philippine Sea (WPS) an militar kan China kan Sabado, sigun sa pahayag kan People’s Liberation Army (PLA) Southern Theater Command.
Sa sarong statement sinaysay ni PLA Spokesperson Tian Junli na an Pilipinas an nakipag-koordinar sa mga nasyong dae kabali sa rehiyon tanganing magsagibo nin “joint patrols,” na nagin kawsa soboot kan paglangkaw kan mga huma sa seguridad sa rehiyon.
Pighayag man ni Tian na nagtitinir na alerto an mga pwersa kan People’s Liberation Army asin matibay nindang ipinaglalaban an soberanya kan China sa mga derecihon kaini sa pandagat.
Pigdugang man kaini na an mga military activities kan Pilipinas sa iba pang mga kaalyado kaini an mas mapalala soboot sa WPS o posibleng magkawsa nin ”flashpoints.”
Mayo man nin kasimbagan an Embahada kan Pilipinas sa Beijing.
Marurumdoman, an tensyon sa pag-ultanan kan China asin Pilipinas an padagos na naglalala huli sa mga alitan sa teritoryo sa WPS, na sarong importanteng ruta kan kalakalan.
Sinaysay man na kan taong 2016, pigsayumahan kan China an desisyon kan Permanent Court of Arbitration na nagsasabing bakong legal an saindang mga claim sa rehiyon.
