Nangangapodan si Chinese Ambassador Huang Xilian sa Pilipinas asin China na liwat mag-dialogo asin dangugon an kahurotan kan mga namamanwaan na pilion an kooperasyon imbes na an kariribokan.
An nasambitan ng pahayag na ini ni Huang an kasabay kan pagselebrar kan ika-50 anibersaryo kan diplomatikong relasyon kan duwang nasyon kan Sabado, Hunyo 7. Nag-atendir sa pigsagibong okasyon sinda Presidente Ferdinand Marcos Jr., mga senador, business leaders, asin mga kinatawan kan Filipino-Chinese community.
Siringman, katakod kan pahayag an nagpapadagos na tensyon sa West Philippine Sea (WPS), kun saen paulit-ulit na nagbabalgar an China sa eksklusibong economic zone (EEZ) kan Pilipinas asin dae pa man pigbibisto an 2016 arbitral ruling na nagpapabor sa Pilipinas.
Sa irarom kan administrasyon ni Marcos Jr., nagin mas matatag asin lantad an posisyon kan nasyon sa pagtatanggol kan soberanya, mantang padagos an presensya kan mga barko kan China asin paggamit nin water cannons kontra sa mga Pilipinong parasisira.
Duon ni Huang, an Pilipinas asin China an magkaraning nasyon na dae pwedeng pagsuwayon. Naglalaom soboot an China na mas kadakol nin Pilipino an makikisumaro tanganing ayuson an relasyon kan duwang nasyon.
Mientrastanto, pigkuwestiyon man ni Defense Secretary Gilberto Teodoro Jr. an pagiging tapat kan China sa usaping diálogo, kasunod kan militarisasyon kaini sa mga pinag-aagawang teritoryo.
