Nangapodan an China sa Estados Unidos na tulos palibrehon an Presidente kan Venezuela na si Nicolas Maduro asin an saiyang agom na si First Lady Cilia Flores asin pighurot na an krisis sa Venezuela an dapat resolbaran sa paagi kan diyalogo asin negosasyon.
Sa pahayag kan Chinese Foreign Ministry, sinaysay kan Beijing na dapat man siertuhon kan US an personal na kasalbaduhan ni Maduro asin kan first lady.
Sigun sa China, an ginibong pag-arestar asin deportasyon sa lider kan Venezuela an malinaw soboot na pagbalgar sa international law asin mga pangkinabang pamantayan.
Komo simbag, pighurot kan China na an mga ulayan kan Venezuela an dapat lutason kan mga Venezuelan mismo, nin mayong panghihimasok kan ibang nasyon.
Pigtawan-duon kan Beijing na an matoninong na pag-uulay an sulamenteng paagi tanganing maibweltada an katatagan asin kaayusan sa Venezuela.
Kan nakalihis na Sabado, pig-anunsyar ni US President Donald Trump na naarestar si Maduro kasunod kan saindang piglunsar na large-scale strike sa kabisera kan Venezuela na Caracas.
Kun be-bweltadahan, haloy nang pigkokonsiderar kan US na na “illegitimate” an pamamayo ni Maduro asin sinunandan ini nin manlaen-laen na kasong kriminal, kaibahan an soboot pagigin lider kaini sa drug cartel.
Kan nakalihis na Marso 2020, inakusaran kan US Department of Justice (DOJ) si Maduro asin nagkapirang haralangkaw na opisyal kan pamamayo soboot sapig-aapod na “Cartel of the Suns” (Cartel de los Soles).
Sigun sa DOJ, an grupong ini an imbwelo sa dakulang drug trafficking, partikularmente na sa paglalaog nin cocaine sa Estados Unidos, asin sa pakikipagsabwaran sa mga rebeldeng grupo siring kan Revolutionary Armed Forces kan Colombia.
Sinunadan si Maduro nin mga kasong narco-terrorism, drug trafficking, asin conspiracy. Alagad, maduon na pinahimutikan ni Maduro an mga akusasyon asin inapod ining politically motivated.
