Pigheras ni South Korean star Choi Minho kan K-pop group na SHINee kun pano kaini nalampasan an mga kinahampang na problema mantang nagpe-preparar para sa saiyang enot na solo concert na pigkundusir sa Pilipinas.
Sa nagin paghampang kaini sa mga kagawad kan media pigheras ni Minho kun pano kaini nakayanan an mga pressure asin challenges para sa saiyang solo career.
Pigpaliwanag man kaini na an pagpreparar para sa saiyang solo concert an labing kakaiba kun ikukumprar sa preparasyon kaibahan an mga ka-miyembro sa SHINee.
Alagad sa ibong kaini, itinao soboot kan Korean Star an saiyang makakaya tanganing magtalubo pa an saiyang kakayanan.
Marurumduman, si Minho an nagin miyembro kan SHINee puon pa kan 2008 asin opisyal na nag-debut komo solo artist kan 2022 gamit an saiiyang enot na mini-album na Chase. Kalaunan saiya man na pigluwas an enot na full-length album na Call Back kan 2024.
Komo huring SHINee member na nagsolo career, liwat man na nagpa-abot nin dakulang pasasalamat si Minho expressed para sa dae natitinag na suporta kan saiyang mga fans.
Mientrastanto, matrayumpo man an pagtatapos kan saiyang konsyerto na igwang titulong MEAN kan nakalihis na Domingo, March 16, 2025 sa New Frontier Theater sa Quezon City.
