Nagpatanid an Commission on Human Rights (CHR) sa Philippine National Police (PNP) sa plano kaining magsagibo nin door-to-door campaign tangani inkaminaron an mga may-sadiri nin badil na mag-renew kan saindang lisensya o isuko an mga bakong lisensyadong badil.
Sa sarong pahayag, pigpaluwas kan CHR an mga pagirudomdom sa pagpapautob nin “Oplan Katok” orog na sa campaign period para sa 2025 national and local elections.
Pigbanggi kan CHR an sarong probisyon kan Saligang Batas na “explicitly protects individual against unwarranted searches and seizures, affirming that law enforcement must operate within the bounds of legal and procedural safeguards.”
Naenot nang pig inkaminar ni Commission on Elections Chairman George Erwin Garcia an PNP na suspindiron an “Oplan Katok” sa panahon nin halalan, nin huli ta posible na magkawsa ini nin takot sa mga botante.
Nagdepensa man an PNP sa saindang inisyatiba asin pigsabing mapaluwas ini nin dugang na guielines tangani malikayan an pang-aabuso asin man masierto an tamang pagpapautob.
