Pirang semana makalihis an kontrobersiyal na paghali kan saro sa pinahalangkaw na heneral kan China, nagluwas an CIA nin bagong video na obhetong mang-akit nin mid-level Chinese military officers komo informants.
Ipinahiling sa video an sarong fictional officer na disillusioned sa saiyang nakalangkaw asin parte ini kan kampanya kan Washington na pahewason an human intelligence kontra sa China.
Sinundan kaini an sarong siring na effort kan nakalihis na Mayo na nagtao nin Chinese-language instruction sa pakikipag-koordinad sa US intelligence.
Sigun ki CIA Director John Ratcliffe, kadakol na an naabot kan mga video asin padagos kaining pigtatangro sa mga opisyal kan China an “opportunity to work toward a brighter future together.”
Kan nakalihis na bulan, pig-iimbestigaran si Zhang Youxia, vice-chairman kan Central Military Commission, sa pinakahalangkaw na profile na paglisan kan senior military leader sa mga dekada.
Sigun sa CIA, matrayumpo an kampanya sa ibong kan ‘Great Firewall” asin nakaka-engage sa intended audience.
An mga spy operations na ini an parte kan naglalalang military asin technological rivalry sa tahaw kan US asin China, na pigkokonsiderar kan kadakol na bagong klase kan cold war.
