Pighihiling kan Senate impeachment court na saro sa posibleng magin option ninda an pagpapa-contempt enkaso magmatagas an Kamara asin dae nagsimbag sa mga pighahagad resolusyon mapdapit pa man giraray sa impeachment case kontra ki Vice President Sara Duterte.
Susog sa tagapagtaram kan impeachment court na si Atty. Reginald Tongol, nakabugtak sa rule 7 kan impeachment rules na may kapangyarihan an presiding officer o an korte na motu-proprio asin ipa-cite for contempt an siisay man.
Paliwanag ni Tongol, posible man na imomosyon kan opposing parties na defense o prosecution panel an pagpapacontempt.
Siringman, sinaysay kan tagapagtaram na magigin huring paagi sana kan impeachment court an pagpapa-contempt nin huli ta dae man strikto si presiding officer Chiz Escudero sa pag-apply kan mga probisyon kan impeachment rules partikularmente na sa bukas na pagtalakay kan impeachment sa publiko.
Kun manunutaran man soboot ay dae man mahigot sa pagpapautob kan rule 18 kun saen tumutukoy man ini sa gag order o gabos kan mga senator judges, prosecutors asin man lawyers an dae na dapat nagtataram manungod sa merits kan kaso.
