NAGA CITY- Nagpagirumdom an pamayuhan kan Naga City Police Office sa mga kapulisan na i-check man giraray an gabos na mga nagluluwas asin naglalaog sain man na parte kan syudad orog na sa Sagrada Familia dawa na igwa an mga ini nin ID.
Sa nagin paghampang sa mga kagawad kan media ni PCol. Erwin Rebellon, City Director kan NCPO, sinaysay kaini na sa presente basado sa saindang pigkokondusir na monitoring nabawasan na an mga nagtotroops sa Sagrada Familia na gikan sa mga pagtaraid na banwaan an mayo na sinda nin namomonitor.
Alagad, pig-ako man kan opisyal na dae man ninda dagusan na mapuho an mga nagtatransaksyon o nagpapabakal kan mga iligal na droga huli ta posibleng eyo na talaga soboot an saindang hanap buhay.
Tinawan duon man kan opisyal na sa ibong kaini, kadaklan sa mga transaksyon kan mga ini an piggigibo na sa luwas kun kaya mas magpopokus na sinda sa pagbabantay sa luwas alagad magtitinir na igwa nin nagbabantay sa laog.
Sa ngunyan, pagsierto na sana kan opisyal na padagos man an saindang paglaban sa iligal na droga sa syudad nin Naga.
