NAGA CITY- Piglalaoman kan City Social Welfare and Development Office sa siyudad nin Naga an pagdakol kan mga nagpapalimos orog na para sa papaabuton na Penafrancia Fiesta.
Marurumduman, kasuarin sana igwang pig-rescue na sarong indibidwal na nagbabasay-basay sa siyudad kun saen tolos ining tinabangan kan mga otoridad asin pig-turn over sa ginikanan na lugar.
Katakod kan pangyayari, padagos na pig-eenkaminar kan City Social Welfare and Development Office an tabang kan kan mga kapulisan asin barangay officials tanganing malikayan an pagdakol pa kan mga nagpapalimos.
Susog sa report, kadaklan sa mga nagpapalimos iyo man an mga Badjao na gikan pa sa banwaan nin Pasacao.
Tuyo soboot kaya na papaabuton an mga darakulang aktibidad sa Naga City laoman man an pagdakol kan nasambitan ng mga indibidwal.
Kadaklan sa mga ini nagkakawsa naman nin pagkahadit sa publiko orog na ta an iba sa mga ini an nangungulog enkaso dae tinatawan kan saindang pighahagadan.
Nagigin bayolente na ikinakatakot man kan mga tawo na saindang nabibiktima.
Apwera digde, pigtutubudan man na posibleng modus sana kan iba an pamamalimos tanganing makakua nin kwarta na gikan sa ibang tawo.
Sa ngunyan, hagad na sana kan nasambitan ng opisina an tabang kan publiko tanganing dagusan nang magin malinig an siyudad gikan sa mga tawo na nagkakawsa nin problema sa komunidad.
