Nagtao nin libreng castration asin spay services an City Veterinary Office kan Ciudad nin Naga bilang parte kan annual Animal Welfare Week, na ginibo poon Oktubre 5 sagkod Oktubre 9.
Sa intrevista kan Bombo Radyo Naga ki Dr. Johann Michael R. Sales, sinabi kaini na libre an mga serbisyo para sa mga pet owner na residentes kan ciudad nin Naga, kabale an castration, spay asin anti-rabies vaccination.
Ipig-esplikalr kaini na libre man an check-up, mantang an anti-rabies vaccination normal na nagkakantidad nin P75 kada doze.
An aktibidad ginibo kaiba an College of Veterinary Medicine kan Central Bicol State University of Agriculture.
Dugang pa ni Sales, katuyuhan kan programa na mabawasan an populasyon kan mga layas na hayop asin mapromoter an responsableng pag-ataman kan mga hayop.
Parte ini kan programang “Walkable, Orderly, and Animal Responsible Naga City,” na nakatutok sa pangmatagalang solusyon sa problema kan stray animals, apwera sa tradisyonal na pag-impound.
Mientrastanto, pigtawan-duon ni Sales an Animal Welfare Bill asin an importansya kan mas mahigot na enforcement kan Animal Welfare Act, pati an aktibong partisipasyon kan Barangay, Local Government Unit asin kan publiko.
Idinugang niya na importante an partisipasyon kan mga Trained Animal Welfare Enforcement Officers, pati an mga ahensya na imbwelto sa pagpapautob kan ley.
