Plano kan grupong National Economic Movement (MKE) na maglansar nin “People’s Court” kasabay kan posibleng impeachment trial ni Bise Presidente Sara Duterte sa Senado.
Segun ki Jaime Regalario, chairman kan MKE, obheto kaini na maigot na mabantayan kan publiko an dalagan kan ebidensya asin hustisya. Obheto kan grupo na magkaigwa nin sadiring hearing sa laog mismo kan compound kan Senado asin planong maghagad nin tukawan digdi sa Senate President Tito Sotto.
Sigon ki Regalario, makua sinda nin kopya kan mga ebidensya hale sa Senado tanganing ipresentar man sa saindang forum na aatenderan kan manlaen-laen na sektor asin mga retiradong huwes siring kan dating Chief Justice Maria Lourdes Sereno asin Reynato Puno.
An depensa kan grupo iyo na bako ining “kangaroo court” kundi sarong lehitimong paagi tanganing makisumaro an mga namamanwaan sa paghagad nin paninimbagan.
Sinabi ninda na ini an maserbing “balance” sa desisyon kan Senado enkaso dae ini magkatugma sa katotoohan na ibubuyagyag kan saindang sadiring pag-analisar
