NAGA CITY – Nagdeklarar na nin class suspension si Camarines Sur Governor Migz Villafuerte sa bilog na probinsya ngunian na aldaw.
Sa abiso kan gobernador, sinuspendir kaini an klase sa gabos na level sa mga pribado asin pampublikong eskwelahan.
Napag-araman na sa presente, namamatean an pabugso-bugsong bulos nin uran sa manlaen laen na parte kan CamSur magin sa syudad nin Naga.
Katakod kaini, nagpagirumdom an mga otoridad sa publiko na magin maingat urog na an mga nagtitinir sa mga landslide asin flashfloods prone areas magin an mga nasa coastal areas para malikayan an mga dae piglalaoman na insidente.
Sa parte man kan Philippine Coast Guard CamSur, may mga stranded passengers na soboot na nagtitinir ngunian sa pantalan na anas mga pasiring sa Masbate.
