Pigdududahan kan EcoWaste Coalition an obhetong makaputan kan Metropolitan Manila Development Authority an programa kaining ‘Clean Metro Manila’.
Sigun kaya sa koalisyon, kulang pa man an isinasagibong pagpapautob nin ley partikulamente sa Republic Act 9003 o an Ecological Solid Waste Management Act of 2000.
Sa ibong kan nag-iiral na mga programa kan MMDA, sinaysay ni Aileen Lucero, an national coordinator kan EcoWaste coalition na dae soboot magiging madaling malinig gikan sa basura an entirong Manila.
Kaya man, pigsuhestyon kaini na mas paigtingon pa an pagbabawal sa pagtatambak nin mga basura siring man an mas mahigot na implementasyon kan nasambitan ley. Alagad piglinaw kaini na padagos pa man sindang makikipagkoordinar sa gobyerno tanganing makaputan an obhetong malabanan an problemang ini.
Mientrastanto, ipinaliwanag man ni Undersecretary Procopio G. Lipana kam Metropolitan Manila Development Authority na bakong literal na kayang mawara an gabos nin basura sa Metro Manila.
Soboot, imposible ini nin huli ta dae napapauntok an padagos na pag-generate sa mga basurang nakokolektar asin naikukurit.
