Kinumpirmar kan Philippine National Police (PNP) na nagtago sa Boracay an co-mastermind sa pagdukot asin man paggadan sa negosyanteng si Anson Que na si Kelly Tan.
Sigun ki PNP Spokesperson PBGen. Jean Fajardo, nagpaburu-balyo nin hotel an suspek sa Boracay tangani taguan an mga awtoridad. Basado sa naguno ninda nin intelligence reports, gikan April 26 hasta Mayo 1 nasa Henann Garden Resort si Kelly mantang kan nakalihis man na Mayo 1 hasta Mayo 15 ay nagbalyo ini sa Summer Place Boracay.
Kaibang naarestar ni Kelly an hairdresser na si Wu Jabing na sinasabing nag-check in para ki Kelly sa mga resort sa Boracay.
Nakua gikan ki Wu Jabing an sarong mask na may wig na posibleng gamiton tangani itakas si Kelly paluwas nin nasyon.
Sa ngunyan, sumasairarom sa inquest proceedings an duwa sa Department of Justice (DOJ) katakod kan kasong pagbalgar sa Immigration law.
Kapot na kan PNP Anti-Kidnapping Group (AKG) an mga suspek sa pagdukot asin paggadan sa negosyanteng si Anson Que.
