Nagin sentro nin pagdangog sa impeachment trial ni Vice President Sara Duterte an isyu kan confidential funds matapos ihampang kan prosekusyon an mga dokumento asin testimonya sa Commission on Audit (COA).
Sa intrivesta kan Bombo Radyo Naga ki Atty. Jerico Galvez, Election Lawyer, isinaysay kaini na an mga nainot na Bise Presidente an nagampanan an saindang responsibilidad nin mayu nin confidential funds, kaya nagtitinir na hapot kun tano kinakaipuhan ini ka presenteng Office of the Vice President (OVP).
Pig-esplikar ni Galvez na bagama’t pinahihintulutan kan ley an confidential funds para sa mga civilian government agency, nakalaan lamang an mga ito para sa surveillance, intelligence, asin information-gathering activities. Importante mai-esplikar kan depensa kun tano kinakaipuhan an naturang pondo asin kun pano ini ginamit alinsunod sa itinakdang obheto kan ley.
Saro sa mga kinuwestiyon sa pagdangog an mga acknowledgment receipt na naglalaog nin mga pangarang nina “Mary Grace Piatos” asin iba pa. Segun sa prosekusyon, mayung nairehistrong kaparehas na pangaran sa rekord kan Philippine Statistics Authority (PSA), rason tanganing pagdudahan an pagkakabistuhan kan mga suboot nagtanggap kan = pondo. Alagad, sinabi ni Galvez na pwedeng ipaliwanga kan depensa na an mga ini an mga code name kan mga confidential informant tanganing maprotektahan an saindang identidad.
Pinag-ulayan man an paggamit kan suboot confidential funds sa pagbakal nin mga bulong asin iba pang gastuson na sinabing dae kabale sa mga kwalipikadong paggasta segun sa umiiral na mga patakaran. Segun kay Galvez, tungkulin ngunyan kan depensa na patunayan na an gabos na pondong iniluwas an ginamit para sa intelligence asin surveillance operations, alinsunod sa obheto kan confidential funds.
Tinawan-duon ni Galvez, na sarong lado pa sana kan nadangog sa impeachment proceedings asin importanteng halaton an presentasyon kan depensa antes makabilog nin ganap na konklusyon. Dugang pa kaini na magiging ekplinasyon kan lado nkan Bise Presidente an pig-lalaomang mataong-linaw sa mga isyung iginagapo katakod kan paggamit kan confidential funds.
