Nag-apelar an kampo ni Vice President Sara Duterte na padagos na ipairal an Rule 18 kan Senate Impeachment Court rules, an sub judice rule, para sa tulong articles of impeachment na enot nang binawi kan prosekusyon.
Segun ki Senate Impeachment Court Spokesperson Atty. Reginald Tongol, ini an kahagadan ni VP Duterte sa manifestation kan defense team na isinumite kaini kan Nobyembre 4.
Nakalaag digdi na gusto kan bise presidente na padagos na ipairal an impeachment rule 18 o an sub judice rule, na nagbabawal na talakayon sa publiko o sa media an merito kan kaso.
Ini tanganing mapreserbar an integridad kan impeachment proceedings asin marespeto an constitutional rights ni VP Sara.
Isinaad man na dai interesado si VP Duterte sa trial by publicity.
Marurumduman na kan Oktubre 13, an huring aldaw kan presentasyon kan house prosecution panel, iniurong an articles of impeachment kun sain hinali ni Impeachment court presiding officer Chiz Escudero an sub judice rule, na nangangahulugan na tinatawan nin lata an prosekusyon asin depensa na talakayon an tulong iniurong na articles of impeachment sa luwas kan impeachment court.
