Nagtalikod na sa kinaban si Cocoy Laurel, sarong bistadong aktor asin parakanta sa teatro asin pelikula kan Hunyo 14 sa edad na 72-anyos.
Ini an pigkumpirmar kan saiyang pamila sa paagi sarong post sa Facebook page.
Katakod kaini, dae naman sinabi kun ano an kawsa kan saiyang pagkagadan.
Sa opisyal na mensahe kan pamilya, pigsaladawan ninda si Cocoy o sa totoong buhay na si Victor D. Laurel komo sarong tawong igwang hararom na pagtubod na ginamit an saiyang musika asin sining tanganing magserbe sa Diyos asin magtao nin inspirasyon sa iba.
Mientrastanto, nagtao man kan saindang kanya-kanyang mensahe nin pasasalamat an saiyang mga pamangkin kabali na si Denise Laurel asin si Nicole Laurel Asensio na nagsabing masakit na akuon an pagkawara kan saiyang Ninong Cocoy.
Marurumduman si Cocoy Laurel an aki kan dating Vice President na si Salvador “Doy” Laurel asin singer/actress Celia Diaz Laurel.
Nagpuon ini sa industriya komo teen actor asin nagsikat kan 1971 sa pelikulang Lollipops and Roses kaiba si Nora Aunor.
Nabisto man ini sa pelikula asin teatro, kabali an mga obra siring kan Miss Saigon asin Les Misérables.
