Naghiras an sarong College Instructor kan negatibong epekto kan social media sa mental health kan mga jovenes katakod kan Mental Health Awareness Month ngonian na bulan nin Oktubre.
Sa entrevista kan Bombo Radyo Naga Valerie Jane Vargas Geñoso – Licensed Psychometrician, College Instructor, Naga College Foundation, Inc., sinabi kaini na an sobrang paggamit kan social media pwedeng magcausa nin anxiety, burnout, halipot na atensyon, asin kawaran nin pokus sa pag-aadal.
Pigtwanduon ni Geñoso niya na an cyberbullying asin online bashing puedeng magpababa kan paggalang sa sadiri asin magcausa nin takot sa mga estudyante. Pigsuhestyon kaini na maghagad nin tabang sa eskwelahan tanganing masimbagan an siring na mga sitwasyon.
Tanganing maibitaran an negatibong epekto kaini, ineenkaminar an mga estudyante na limitaran an saindang paggamit nin cellphone asin magtao nin panahon para sa pag-adal, pag-ehersisyo, asin pakikipag-ulay sa ibang tawo.
Nagpagirumdom si Geñoso sa gabos na dae ikumparar an sadiri sa mga nahihiling sa online huli dae man digdi nagpapahiling kan bilog na katotohanan.
Sinabi niya na importante an pag-ataman sa salud nin isip asin magtutok sa sadiring mga pangaturugan asin pag-uswag.
